Илјадници луѓе останаа без електрична енергија на Нов Зеланд поради обилни врнежи, поплави и свлечишта низ централните делови на земјата, соопштија денес властите.
Според податоците на компанијата „Powerco“, денес се пријавени повеќе од 3.000 прекини во снабдувањето со електрична енергија, еден ден откако невремето ги погоди регионите, вклучувајќи го и главниот град Велингтон, пренесе Ројтерс.
Метеоролошката служба „MetService“ соопшти дека времето постепено се стабилизира, но службите за вонредни состојби предупредуваат на остатоци и урнатини на патиштата, површински поплави и ризик од нови свлечишта.
Невремето вчера доведе и до откажување на околу 200 летови до и од Велингтон, додека во областа Донји Хат се забележани поплави и две свлечишта.
Властите потсетуваат дека во слични временски услови во јануари на Северниот Остров се случи свлечиште во кое загинаа шест лица.
