Земјотрес со јачина од 5,9 степени според Рихтер го погоди градот Те Анау на Јужниот Остров во Нов Зеланд, при што биле почувствувани силни потреси, а властите накратко издале предупредување за можна опасност од цунами.
Според Националната агенција за управување со вонредни состојби (NEMA), епицентарот бил на околу 40 километри северно од Те Анау, кој претставува влезна точка за популарниот туристички регион Фјордленд.
Нема информации за повредени лица или материјална штета.
Земјотресот се случил во 21:14 часот по локално време. Првично беше проценет на 6,3 степени, по што властите издадоа предупредување за цунами и ги повикаа жителите во крајбрежните подрачја да се евакуираат.
Подоцна јачината на потресот беше ревидирана на 5,9 степени, по што предупредувањето најпрво беше ублажено, а потоа и целосно укинато.
