(Видео) Катастрофален пожар во воена база во Канада, има загинати и повредени

Голем пожар во канадската воена база Вејнрајт однел човечки животи и предизвикал голем број повредени, потврди канадскиот министер за одбрана Дејвид Мекгинти. Засега не се соопштува точниот број на загинати, а пожарот сè уште не е целосно изгаснат.

Пожарот избувнал во воената база во источниот дел на провинцијата Алберта и брзо се проширил поради силниот ветер. Повикот за помош бил примен околу 16 часот, соопшти Кралската канадска коњичка полиција во Вејнрајт.

— реклама —

Надлежните служби продолжуваат со гаснењето, а истрагата за причините и околностите на инцидентот треба да започне наскоро.

— реклама —

Во меѓувреме, болниците во Едмонтон се соочуваат со голем притисок поради приливот на повредени. Лекар од болницата „Ројал Александра“ изјавил за канадскиот јавен сервис CBC дека здравствените установи во градот се целосно преоптоварени со бројот на пациенти на кои им е потребна помош.

— реклама —

„Ова е катастрофа. Ваква катастрофа се случува еднаш на 15 до 25 години“, изјавил лекарот Ворен Терск, нагласувајќи дека бројот на пациенти е поголем од она што здравствениот систем може лесно да го поднесе.

Воената база Вејнрајт се наоѓа на околу 210 километри југоисточно од Едмонтон и е една од најактивните воени бази во Канада.