(Видео) „Ќациленд падна!“ – со брусалица се сечат оградите, граѓаните влегоа во паркот

Оградите околу Пионерскиот парк во Белград, познат како „Ќациленд“, се сечат со брусалица, според објавата на „Крени-промени“, движењето кое на социјалните мрежи порача: „Ќациленд падна!“

— реклама —

Објавата следува по изборната вечер во Србија, во која Александар Вучиќ го призна поразот на парламентарните избори, а студентската листа прогласи победа.

Претходно, српските медиуми известија дека групи мажи облечени во црно, од кои дел носеле качулки и фантомки, почнале да го напуштаат Пионерскиот парк по обраќањето на Вучиќ.

— реклама —

View this post on Instagram

— реклама —

Паркот, кој се наоѓа во непосредна близина на Претседателството на Србија, подолг период беше место на собирање на поддржувачи на власта, а просторот беше ограден и во него беа поставени шатори.

Засега нема потврдени информации кој ги сече оградите, по чија одлука се отстрануваат и дали станува збор за целосно расчистување на просторот.

„Ќациленд падна!“, гласи пораката што ја објави „Крени-промени“.