Силното невреме што попладнево го зафати Скопје предизвика оштетување на кровна конструкција поставена во 2020 година, која не издржала под налетите на силниот ветер.
Според видеото, постоела опасност делови од конструкцијата да завршат на булеварот „Партизански одреди“. Граѓани сведочат дека од кровот паѓале профили и други делови, што предизвикало револт и загриженост поради можната опасност за минувачите и возилата.
Станарите најавуваат дека ќе бараат одговорност од фирмата која ја изведувала работата на кровната конструкција, бидејќи сметаат дека мора да се утврди зошто објектот не ја издржал силата на невремето.
