(Видео) Лавров бесен го исфрли новинарот од собата: „Ако не го предадете телефонот, ќе извадат оружје“

Рускиот министер за надворешни работи Сергеј Лавров денеска упати забелешка до новинар кој ја прекинал неговата прес-конференција во Индија, по што побарал обезбедувањето да го изведе од просторијата.

Лавров веќе зборувал кога новинарот гласно вклучил превод на телефон или уред за симултан превод.

— реклама —

Рускиот министер замолкнал неколку секунди, а потоа на англиски јазик прашал:

„Можете ли да излезете? Кој ги произведува тие звуци – вие или вашиот телефон?“, пренесува агенцијата „РИА Новости“.

— реклама —

Откако звукот повторно се слушнал, Лавров уште еднаш побарал новинарот да ја напушти салата, нагласувајќи дека „не се шегува“.

„Момци, изведете го одовде“, им рекол Лавров на припадниците на обезбедувањето.

— реклама —

Потоа му порачал на новинарот:

„Ако не го предадете телефонот, тие ќе извадат оружје.“

Лавров се наоѓа во тридневна посета на Њу Делхи, каде учествуваше на настани во рамки на БРИКС и одржа средби со министрите за надворешни работи на Индија, Тајланд, Египет, Иран и Малезија.