(Видео) Медениот месец се претворил во кошмар: Наместо масло, на скарата истуриле керозин, девојка заврши со изгореници на 60 отсто од телото

Четири лица се уапсени откако девојка била зафатена од пламен додека била со младоженецот на меден месец во Индија.

Младоженецот изјавил дека неискусен член на персоналот, кој им помагал околу скарата во сместувањето каде што престојувале, истурил сад со запалива течност врз неговата сопруга и дека по неколку секунди таа била зафатена од пламен, пишува Hindustan Times.

— реклама —

Инцидентот, наводно, се случил откако на решетката за скара наместо масло за јадење бил истурен керозин, што го разгорело огнот, соопштила полицијата.

„Уапсивме четири лица во врска со овој случај. Се испитува улогата на секој од нив“, навела полицијата.

— реклама —

Меѓу уапсените се сопственикот на пансионот, член на персоналот и лицето кое наводно истурило керозин врз решетката за скара.

— реклама —

Несреќата се случила во недела, на 13 септември, а на снимката од терасата која се шири на социјалните мрежи се гледа експлозија по која избувнува пожар, жената која била зафатена од пламен како се тркала по подот и нејзиниот сопруг како се обидува да ѝ помогне.

Жената се здобила со изгореници на 60 отсто од телесната површина и се наоѓа во критична состојба во болница.