(Видео) Министерката за енергетика почна да снима едукативни видеа за лидерство во министерската канцеларија

Министерката за енергетика Сања Божиновска се осврна на значењето на довербата и авторитетот во градењето на вистинско лидерство, нагласувајќи дека самата функција не е доволна за некој да стане лидер.

„Функцијата може да ви наметне одговорност, но не може автоматски да ви даде авторитет. Авторитетот не доаѓа со титулата, туку се заслужува“, порача Божиновска.

— реклама —

Според неа, вистинскиот авторитет се гради преку знаење, доследност, интегритет и подготвеност да се преземе одговорност, дури и тогаш кога резултатите не се одвиваат според очекувањата.

Божиновска посочува дека луѓето не ги следат лидерите затоа што мораат, туку затоа што имаат доверба во нивната работа и одлуки.

— реклама —

„Ве следат кога веруваат дека знаете што правите, кога чувствуваат дека навистина ги слушате и кога гледаат дека одлуките ги носите во заеднички интерес“, вели министерката.

Таа додава дека доброто лидерство подразбира јасна цел, силен тим и личен пример, но и создавање средина во која секој може да придонесе и да се развива.

— реклама —

„Да ги поддржите луѓето да бидат подобри и први да го покажете стандардот што го очекувате од другите“, порача Божиновска.

Како заклучок, таа посочи дека вистинската вредност на еден лидер не се мери според моќта што ја добил со функцијата, туку според довербата што успеал да ја изгради.

— реклама —