(Видео) „Мизерија од народ сме“: Ѓубре насекаде, искршена клупа и целосно демолиран летниковец на Водно

На социјалните мрежи е објавено видео од Марко Јовановски, снимено на Водно, на кое се гледа целосно запуштен простор со купишта ѓубре, искршена клупа и целосно демолиран летниковец.

— реклама —

„Некогаш место за одмор и уживање, денес… вака. Скршена куќарка, ѓубре насекаде и природа која полека ја уништуваме. Водно заслужува многу повеќе. Чувај го местото што ти дава убави моменти“, стои во описот на видеото.

— реклама —

Јовановски во видеото реагира на состојбата и упатува критика до граѓаните за односот кон природата и јавните простори.

„Мизерија од народ сме што не цени ништо од државава“, вели Јовановски во видеото.

— реклама —

Снимката повторно го отвора прашањето за односот кон природните подрачја и јавните места, но и за потребата од поголема одговорност од страна на граѓаните за нивно зачувување.

View this post on Instagram