(Видео) Напад во Газа: Израел се обиде да го ликвидира воениот командант на Хамас

Израел во петокот изврши напад во Газа со цел ликвидација на шефот на вооруженото крило на Хамас, Из ал Дин ал Хадад, кого го смета за еден од главните организатори на нападот од 7 октомври 2023 година.

— реклама —

Израелските власти соопштија дека Ал Хадад бил цел на воздушен удар во градот Газа. Тој ја презел командата над военото крило на Хамас по ликвидацијата на Мохамед Синвар во мај 2025 година.

— реклама —

Во заедничко соопштение, израелскиот премиер Бенјамин Нетанјаху и министерот за одбрана Израел Кац навеле дека Ал Хадад е одговорен за убиства, киднапирања и напади врз израелски цивили и војници.

— реклама —

Засега нема официјална потврда дали тој загинал во нападот, а Хамас не се огласи за случајот.

Според болнички извори и сведоци од Газа, нападот погодил стан во населбата Римал, при што загинало најмалку едно лице, а неколку други биле повредени.

— реклама —

Кратко по првиот напад, израелски авион погодил и возило во близина на местото на експлозијата. За евентуални жртви во вториот напад засега нема информации.