(Видео) Нападнати двајца новинари во Србија: Ги гаѓале со камења и се обиделе да им ги одземат телефоните

Двајца новинари биле физички нападнати на избирачко место во селото Павловац, кај Врање, објави српскиот медиум „Данас“.

— реклама —

Според објавените информации, новинарите се обиделе да го снимат избирачкото место, по што група граѓани собрани во центарот на селото физички ги нападнала.

Напаѓачите се обиделе да им ги одземат мобилните телефони, а ги гаѓале и со камења. Двајцата новинари биле повредени, но успеале да ги зачуваат телефоните.

— реклама —

Михаило Стојковиќ се пожалил на болка во пределот на бубрегот, додека Јелена Стојковиќ имала повреда на прстот. Станува збор за повредите што биле утврдени во првичниот момент, наведува „Данас“.

— реклама —

Новинарите ја повикале полицијата, која пристигнала на местото на инцидентот. Според медиумот, полицајците најпрво земале изјава од еден советник, бидејќи претходно бил нападнат и член на избирачкиот одбор.

На местото била повикана и Итната медицинска помош, а за инцидентот било известено и обвинителството.

View this post on Instagram