(Видео) Нов бран украински напади: Густ чад се издига над руски градови

Украински беспилотни летала во текот на ноќта извршија напади врз повеќе цели во Русија, при што беше погодена нафтена рафинерија во Саратов, а мета беше и воениот аеродром „Енгелс-2“, пренесуваат руските и украинските медиуми.

— реклама —

Жителите на Саратов и Енгелс пријавиле силни експлозии, а според првичните информации, во кругот на рафинеријата избувнал пожар на две локации. На снимките објавени на социјалните мрежи се гледа густ чад над индустриската зона.

— реклама —

Гувернерот на Саратовската област потврди дека регионот бил нападнат со дронови и соопшти дека има оштетувања на цивилната инфраструктура во двата града.

— реклама —

Експлозии биле регистрирани и во близина на воениот аеродром „Енгелс-2“, додека, според украински извори, нападнат бил и логистичкиот центар на компанијата „Вајлдберис“ во Самарската област.

— реклама —

Нападите се дел од пошироката украинска кампања насочена кон руската енергетска и логистичка инфраструктура, при што во последниот период сè почесто се гаѓаат рафинерии, складишта за гориво и транспортни центри.