Зголемувањето на нивото на морето често е најопасниот дел од ураганот, а тоа беше забележано и кога Милтон ја погоди Флорида. Тоа е „воден ѕид“ што ураганските ветрови го фрлаат на копно и може да предизвикаат катастрофални поплави, особено кога се комбинираат со екстремни врнежи.
Ураганот Милтон моментално се оддалечува од источниот брег на Флорида кон Атлантикот, но тешко е да се процени колку навистина е зголемено нивото на морето. Официјални места за мерења има малку и ситуацијата е се уште премногу опасна за да се добијат нови податоци.
Сепак, Weather Channel известува за бранови од 2,5 метри во близина на Сарасота и бранови од 1-2 метри јужно од Неапол до Порт Шарлот.
Морето најмногу се издигна на југ од точката каде што ураганот ја погоди копното, додека на север, во заливот Тампа, нивото на морето падна бидејќи ветровите се развиваа од копно кон морето, а не обратно, како очекувано.
Тоа значи дека нивото на водата всушност паднало за околу метар и половина, а очевидци велат дека заливот бил испразнет од вода.
Во некои области на Флорида наврнале дури 45 мм дожд на метар квадратен. Предупредувањата за пораст на нивото на морето сè уште се во сила од источна и централна Флорида на север до јужна Џорџија.
Заканата од поплави во Тампа е присутна и утрово, иако градот го избегна најтешкото невреме, изјави градоначалничката на брифингот.
„Не е готово. Во 7 часот наутро кога ќе дојде плимата, реките ќе го поплават целиот округ Хилсборо, а не само градот Тампа“, изјави градоначалничката Џејн Кастор.
