Кандидатот за градоначалник на Град Скопје од редовите на ВМРО-ДПМНЕ, Орце Ѓорѓиевски, вечерва триумфално помина под Порта „Македонија“, придружен од голем број симпатизери и членови на партијата.
Со скандирања „Орце, Орце“ и „ВМРО-ДПМНЕ“, поддржувачите го поздравија Ѓорѓиевски, кој симболично влезе низ Триумфалната порта, во знак на победа и благодарност за поддршката.
По краткиот марш, колоната продолжи кон централниот партиски штаб на ВМРО-ДПМНЕ, каде продолжи славеничката атмосфера по изборниот резултат.
