(Видео) „Ова е само почеток“: Мајката на загинатиот Стефан Хрка од Нови Сад со порака по изборната победа

Дијана Хрка, мајката на Стефан Хрка, кој загина при уривањето на настрешницата на железничката станица во Нови Сад, ја поздрави изборната победа и порача дека очекува сите одговорни за трагедијата да бидат казнети.

— реклама —

Во изјава за Н1, таа рече дека две години го чекала овој момент, нарекувајќи ја победата заеднички успех на граѓаните и нивните деца.

„Ова е победа на сите нас, ова е победа на нашите деца. Ова е само почеток на она што треба да го направиме. Две години чекав да паднат“, изјави Хрка, посочувајќи ги Александар Вучиќ, Зорана Михајловиќ и Милорад Додик како, според неа, главни виновници.

— реклама —

Таа рече дека чувствува олеснување по изборниот резултат, но нагласи дека нејзината борба за правда не завршува тука.

— реклама —

Осврнувајќи се на можноста за помилување на одговорните, Хрка порача дека нема да се откаже од барањето за казнување на сите виновни. Таа изрази надеж дека евентуалните помилувања ќе можат да бидат поништени и дека правдата ќе биде задоволена. Додаде дека ако не сака законот да ги казни, ќе ги казни таа.

Хрка потсети и дека пред една година, кога штрајкувала со глад, се надевала дека тогашниот претседател ќе покаже човечност и дека нема да мора да се дојде до избори. Таа рече дека е горда што издржала и успеала да истрае во својата борба.

View this post on Instagram