(Видео) „Пе*ер“, „Психопат“, „Диктатор“: Вучиќ со нов предизборен спот

Претседателот на Србија, Александар Вучиќ, објави нов предизборен спот за претстојните парламентарни избори. Во видеото на необичен начин се осврнува на навредите и обвинувањата кои, како што тврди, му ги упатуваат политичките противници и критичарите.

Во спотот Вучиќ е облечен во едноставна црна маица, додека непознати лица му лепат медицински фластери на градите.

— реклама —

На секој од нив е испишана по една навреда или обвинување, меѓу кои „издајник“, „монструм“, „луд“, „манипулатор“, „психопат“, „диктатор“ и „геноцид“.

— реклама —

Во обраќањето Вучиќ вели:

„Сето ова може да изгледа како кошмар, но не е. Ова е нашата реалност. Со години слушам навреди, лаги и закани. Некои зборови болат, некои оставаат трага. Но, не нè запреа. Нè научија повеќе да работиме, повеќе да се бориме и да не се откажеме од она што најмногу го сакаме – од нашата Србија.“

— реклама —

Додека Вучиќ зборува, фластерите еден по еден се отстрануваат од неговите гради.

Последниот фластер што го отстрануваат носи натпис „злосторници“. На негово место на крајот му лепат нов, значително поголем и чист фластер, на кој пишува „обединета Србија“.

View this post on Instagram