(Видео) По две децении Серава добива нов лик: во завршна фаза е уредувањето на коритото и новата пешачка патека

Градоначалникот на град Скопје, Орце Ѓорѓиевски, информираше дека проектот за темелно уредување на коритото на реката Серава и изградба на нова пешачка патека влегува во завршна фаза.

— реклама —

Проектот опфаќа уредување на 1.590 метри долж коритото на Серава, со што, според Ѓорѓиевски, се создава нов и безбеден простор за пешачење, рекреација и дружење на жителите.

Предвидено е просторот да биде дополнително опремен со современо ЛЕД-осветлување, клупи и друга урбана опрема, зеленило, како и нови детски игралишта.

— реклама —

„Она што со години беше само ветување, денес е речиси целосно реализирано“, порача Ѓорѓиевски, додавајќи дека целта е просторот да стане место за семејни прошетки, детска игра и рекреација.

— реклама —

Тој посочи дека со реализацијата на проектот се продолжува со уредување на јавните простори во Бутел и Скопје и создавање подобри услови за жителите.

— реклама —