(Видео) Погоден трговски центар во Запорожје: Пожар и прекин на струјата за 1.200 домаќинства

Руски напад врз Запорожје во текот на ноќта предизвика голем пожар во трговскиот центар „Епицентар“, додека околу 1.200 домаќинства во еден од градските окрузи останаа без електрична енергија.

— реклама —

Началникот на воената управа на Запорошката област, Иван Федоров, првично известил за серија експлозии во градот, по што потврдил дека во нападот бил оштетен трговскиот центар, како и една приватна куќа.

— реклама —

Во објектот на „Епицентар“ избувнал пожар, а снимките објавени од Федоров покажуваат дека пламенот зафатил голем дел од објектот. Според првичните информации, нема пријавени жртви.

— реклама —

Нападот предизвикал и прекин на снабдувањето со електрична енергија за околу 1.200 домаќинства. Екипите за одржување треба да започнат со санација веднаш штом безбедносните услови го дозволат тоа.