(Видео) Пожари беснеат во Албанија, огнот се приближува до куќи – подигнати се и хеликоптери

Пет пожари и натаму се активни во Албанија, а огнените стихии на повеќе локации се шират поради силниот ветер. Од вкупно седум регистрирани пожари, два се ставени под контрола, соопшти албанското Министерство за одбрана.

Во гаснењето се ангажирани околу 130 припадници на локалните служби, додека албанските вооружени сили учествуваат со 90 припадници и два хеликоптери на воздухопловните сили.

— реклама —

Активни пожари се регистрирани во Дајти и Приска во Тирана, Луфај во Мирдита, Тербун-Гојан во Пука и Шашица во Селеник.

— реклама —

Најтешка е состојбата во Тербун-Гојан, каде што силниот ветер го олеснува ширењето на огнот, а екипите на терен се обидуваат да ги заштитат околните куќи. Според Министерството за одбрана, во моментов нема опасност за станбените подрачја.

— реклама —

Пожарот во Луфај се гасне со намален интензитет, додека интервенциите продолжуваат и во Дајти и Приска.

— реклама —

Во меѓувреме, пожарот во Гуре-Лури е целосно изгаснат, а огнот во Ќафе Хелмес е изолиран и ставен под контрола.