Пратениците од власта го одбија амандманот на СДСМ со кој се бараше обезбедување средства за зголемување на минималната плата на околу 22.000 вработени кај буџетските корисници.
Амандманот го образложи пратеникот Фатмир Битиќи на седницата на Комисијата за финансирање и буџет, на која се разгледува Буџетот за 2026 година.
Со предлогот се бараше зголемување на средствата за основни плати од 35,3 на 35,8 милијарди денари, како и на средствата за придонеси за социјално осигурување од 14,59 на 14,73 милијарди денари.
![]([{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z9362YEBRCB1FZM7W2K91B.gif","chance":50,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z937P7C633CS99SP77A7TT.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z9399AWTQYS76JTASHNB6Z.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93AQ8NFSC3JGHXF78CANS.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93C62E7Z98JRQG22HQ1ZQ.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93DN7FVZHTTP5AWCCK8DP.gif","chance":10,"url":"https://www.loto.mk"}])
Битиќи оцени дека повисоките плати се неопходни поради растот на трошоците за живот и поскапувањето на храната, енергијата и превозот, што особено ги погодува граѓаните со најниски примања.
СДСМ предложи средствата да се обезбедат со пренамена на дел од капиталните расходи, со образложение дека нивната реализација до крајот на годината, според проценките, нема да надмине 75 проценти.
Битиќи порача дека државата треба соодветно да го вреднува трудот на вработените во јавниот сектор и да обезбеди примања што ќе им помогнат полесно да се справат со растечките животни трошоци.
