(Видео) Пронајден и санкциониран 22-годишникот кој „дрифташе“ со „опел“ без регистарски таблички во Штип, а немал ниту возачка дозвола

Видеоснимка од опасно возење во Штип, која на 12 октомври беше споделена на социјалните мрежи, доведе до полициска интервенција и откривање на 22-годишен жител на градот кој управувал возило без регистарски таблички и без да се стекне со право на управување.

— реклама —

Од Секторот за внатрешни работи Штип информираат дека на 14 октомври полициските службеници го пронашле С.К. (22) од Штип и извршиле службен разговор со него.

— реклама —

На објавената снимка се гледа како младиот штипјанец управува патничко возило „опел“ без регистарски ознаки, при што намерно предизвикува пролизгување на возилото, односно изведува таканаречено „дрифтање“.

При преземањето на полициските мерки било утврдено и дека тој го управувал возилото пред да се стекне со право на управување.

— реклама —

За случајот е известен јавен обвинител, а од полицијата најавуваат дека против 22-годишникот ќе биде поднесена соодветна пријава по целосното документирање на настанот.

View this post on Instagram