(Видео) Раде Шербеџија од Њујорк: „Излезете и гласајте, студентите победуваат!“

Познатиот актер Раде Шербеџија испрати порака од центарот на Њујорк до граѓаните на Србија, повикувајќи ги да излезат на денешните предвремени парламентарни избори и отворено изразувајќи поддршка за студентската листа.

Во видеообраќањето, снимено во утринските часови во Њујорк, Шербеџија зборува за атмосферата меѓу граѓаните од Србија кои живеат во Соединетите Американски Држави.

— реклама —

„Рано наутро е во Њујорк, сонцето изгрева. Синоќа овде имаше многу наши граѓани, насекаде низ Америка, со насмевка на лицето, убедени, одлучни... Ако сè уште не си, излези и гласај, студентите победуваат!“, порача Шербеџија.

— реклама —

Неговото обраќање доаѓа во текот на изборниот ден во Србија, каде што се бележи значително поголема излезност во споредба со претходните парламентарни избори.

Студентската листа, на која Шербеџија ѝ изрази поддршка, произлезе од протестното движење што започна по трагедијата на железничката станица во Нови Сад.

— реклама —

На денешните избори граѓаните на Србија избираат 250 пратеници во Народното собрание, а гласањето се организира и на избирачки места во странство, вклучително и во САД.