Норвешкиот тенисер Каспер Руд се осврна на контроверзната ситуација од натпреварот против Жоао Фонсека на Ролан Гарос, оценувајќи дека спорната судиска одлука можела значително да влијае на текот на мечот.
Клучниот момент се случил во тај-брејкот од вториот сет, кога Руд бил на поен до израмнување на 1-1 во сетови. По форхендот на Фонсека, некој од публиката извикал „аут“, што звучело како судиска одлука и предизвикало забуна на теренот.
Главната судијка ја проверила трагата од топчето и пресудила дека ударот бил во теренот. Сепак, телевизиските снимки и системот „хок-ај“ подоцна покажале дека топчето всушност било надвор од линијата.
„Форхендот што го одигра беше на самата линија, можеше да биде и внатре и надвор. Очигледно беше пресудено дека е добар удар. Да го освоев тој сет, можеби ќе водев со 2-1. Наместо 0-2 во сетови, ќе беше 1-1. Навистина штета за мене“, изјави Руд.
И покрај разочарувањето, Норвежанецот имаше пофални зборови за својот противник.
„Очекував тежок меч и токму таков беше. Тој нема многу слабости во својата игра. Веќе победи многу врвни тенисери, вклучувајќи го и Новак Ѓоковиќ пред неколку дена. Неговата игра е навистина импресивна“, додаде Руд.
Фонсека славеше со 3-1 во сетови и обезбеди пласман во четвртфиналето, каде што ќе се соочи со Јакуб Меншик.
