(Видео) Се појави снимка: Човекот најден мртов во дворот на битолската болница бил влечен низ чаршијата

Случајот со 39-годишниот струмичанец, чие тело беше пронајдено во дворот на битолската болница, отвори низа прашања за тоа што се случувало во часовите пред неговата смрт.

— реклама —

Неколку часа претходно, безбедносна камера на Широк Сокак снимила непознат човек како го влече струмичанецот по калдрмата. Обвинителството за „Телма“ потврдило дека лицето на снимката е починатиот.

— реклама —

View this post on Instagram

Ноќта кога било пронајдено телото, Обвинителството добило само усно известување за тепачка во близина на местото каде што е направена снимката, но не и писмено известување од полицијата.

— реклама —

Според првичните сознанија на истражните органи, по тепачката 39-годишниот бил прегледан во Ургентниот центар на битолската болница. Лекарите го упатиле на дополнителни испитувања, но засега не е познато дали успеал да ги направи, ниту што се случувало со него во часовите потоа.

Истрагата треба да ги утврди околностите што довеле до неговата смрт.