Северна Кореја тестираше новоразвиен повеќенаменски лесен систем за лансирање ракети и повеќе тактички крстосувачки ракети под надзор на лидерот Ким Џонг Ун, објавија државните медиуми.
Според севернокорејската државна агенција КЦНА, тестирањата биле спроведени вчера како дел од планот за модернизација на артилериските и ракетните сили.
Во меѓувреме, јужнокорејската армија соопшти дека Пјонгјанг испукал неколку балистички ракети со краток дострел, помал од 300 километри, како и артилериски ракети од подрачјето околу градот Чонџу во северозападниот дел на земјата.
![]([{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z9362YEBRCB1FZM7W2K91B.gif","chance":50},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z937P7C633CS99SP77A7TT.gif","chance":10},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z9399AWTQYS76JTASHNB6Z.gif","chance":10},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93AQ8NFSC3JGHXF78CANS.gif","chance":10},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93C62E7Z98JRQG22HQ1ZQ.gif","chance":10},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93DN7FVZHTTP5AWCCK8DP.gif","chance":10}])
КЦНА наведе дека тестирањата биле насочени кон анализа на моќта на боевите глави на тактичките балистички ракети за специјални намени, како и проверка на сигурноста на артилериските ракети со продолжен дострел.
Во соопштението се додава дека била тестирана и тактичка крстосувачка ракета управувана со вештачка интелигенција, како и прецизен автономен навигациски систем.
Ким Џонг Ун ги пофалил тестирањата, оценувајќи дека тие претставуваат доказ за техничкиот напредок во зајакнувањето на борбената моќ на Северна Кореја.
Ова е осмо тестирање на балистички проектили што Пјонгјанг го спроведува годинава. Последниот ваков ракетен тест беше извршен на 19 април.
