(Видео) Силна експлозија или пробивање на звучниот ѕид? Моќен тресок одекна во Москва

Силен тресок, налик на експлозија, денеска околу 11 часот по локално време се слушнал во повеќе делови на Москва и Московската област, предизвикувајќи вознемиреност кај жителите.

— реклама —

Според руските медиуми, голем број граѓани пријавиле дека го слушнале силниот звук, а дел од жителите на московската населба Конјково изјавиле дека почувствувале и ударен бран.

— реклама —

Првичните информации, на кои се повикуваат руските медиуми, укажуваат дека нема опасност за населението. Се претпоставува дека тресокот бил предизвикан од авион што ја пробил звучната бариера над Московската област.

Од руското Министерство за вонредни состојби соопштиле дека се запознаени со настанот, но дека не се забележани чад, пожар или други знаци што би укажувале на експлозија.

— реклама —

Засега нема официјална потврда за причината за силниот тресок.

— реклама —