Во невремето кое попладнево го зафати Скопје, без кров остана салата на средното хемиско училиште „Марија Кири Склодовска“.
Покрај училиштето, силниот ветер откорна и покриви од станбени згради и други објекти во различни делови од Скопје. На повеќе локации има паднати дрвја и гранки, оштетени се возила, а на дел од улиците сообраќајот е отежнат поради наноси и урнати предмети.
Надлежните служби се на терен и работат на расчистување на последиците од невремето, а се проценува и висината на причинетата материјална штета.
Инаку, ова не е првпат покривот на средното хемиско училиште „Марија Кири Склодовска“ да биде оштетен од силен ветер. И во 2020 година, за време на силно невреме што го зафати Скопје, дел од покривната конструкција беше однесен, при што беше причинета значителна материјална штета.
