(Видео) Скандал во Српската лига: Хулигани претепаа тренер среде натпревар

Сериозен инцидент го одбележа натпреварот од 20. коло во Српската лига Војводина меѓу Слобода Доњи Товарник и Ветерник, каде во финишот дојде до големи нереди на теренот.

— реклама —

При резултат 1:1, навивачи на гостинскиот тим влегле на терен и ги нападнале играчите, а потоа и тренерот на домашната екипа. Маскирани хулигани удирале членови на противничкиот тим, по што настанал целосен хаос.

И покрај инцидентот, натпреварот не бил прекинат, туку продолжил уште околу 20 минути, по што Ветерник постигнал победнички гол во дури 17. минута од судиското надополнување.

— реклама —

По случувањата, од ФК Слобода остро го осудија насилството, наведувајќи дека играчите, стручниот штаб и управата биле изложени на напад.

— реклама —

„Фудбалот, за жал, беше ставен во втор план. Сцените што се случија немаат место никаде, особено не на спортските терени. Спортот мора да остане простор на фер-плеј, почит и достоинство“, порачаа од клубот.

Тие изразија очекување дека Фудбалскиот сојуз на Војводина ќе реагира соодветно и ќе преземе мерки за заштита на клубовите.

— реклама —

View this post on Instagram