Неверојатна снимка од грчки автопат привлече големо внимание на социјалните мрежи, откако возач се снимал додека управува автомобил со брзина од околу 310 километри на час.
Според грчките медиуми, видеото е направено на автопатот „Егнатија“, кај Ореокастро, во близина на Солун, а снимката била објавена на ТикТок. Случајот веќе го привлече вниманието на грчката полиција, која започнала потрага по возачот.
На снимката се гледа BMW M5 E60 како достигнува брзина од околу 310 км/ч. Станува збор за модел со 5,0-литарски V10 мотор и моќност од 507 коњски сили.
![]([{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z9362YEBRCB1FZM7W2K91B.gif","chance":50,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z937P7C633CS99SP77A7TT.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z9399AWTQYS76JTASHNB6Z.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93AQ8NFSC3JGHXF78CANS.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93C62E7Z98JRQG22HQ1ZQ.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93DN7FVZHTTP5AWCCK8DP.gif","chance":10,"url":"https://www.loto.mk"}])
Дополнително внимание предизвикал и самиот ТикТок-профил од кој било објавено видеото. Според Newsbomb, на профилот во моментот имало само една објава – токму снимката од опасното возење.
Полицијата работи на идентификување и пронаоѓање на возачот, по што тој би требало да биде изведен пред надлежните органи.
Случајот предизвика бројни реакции поради исклучително високата брзина и опасноста која ваквото возење ја претставува за останатите учесници во сообраќајот.
