Денеска се навршуваат 25 години од еден од најтрагичните настани во поновата историја на Македонија – заседата кај месноста Карпалак, во која на 8 август 2001 година животите ги загубија десетмина бранители.
По повод 25-годишнината од масакрот кај Карпалак, денеска објавуваме потсетување на разговорот со поранешниот командант на Воената полиција и ЕБР и началник на специјалните единици, Антонио Станковски, кој гостуваше во втората сезона на поткастот „Претрес со Ландов“.
Во разговорот, Станковски говореше за трагичниот настан, но и за можните пропусти во организацијата на движењето на колоната.
„Не сум бил на тоа старешинско ниво за да имам информација дали на време стигнале. Мислам дека можеби станува збор за недоволно проверени информации и несистемско водење на целата таа колона. Кога се сомневаш дека нешто не е во ред, треба да се промени времето на движење, начинот на кој оди колоната, да се покријат ризични точки, можеби со хеликоптер, за да се обезбеди патот и безбедно да стигне на целта. Веројатно организациски сме ја утнале работата“, рече Станковски во „Претрес со Ландов“.
На прашањето кој е виновен за Карпалак, Станковски одговори:
„Во војна се случуваат такви работи. Можеби некој е крив за нешто, но војната носи жртви. Организациски секогаш може подобро – ако треба да се појде покасно, ако треба да се употребат сили за обезбедување на патот, тоа треба да се преземе. Ако службите ти дадат информации, а не ги вклучиш во одлуката, тогаш можат да се случат вакви работи.“
На 8 август 2001 година, колоната со армиски резервисти беше нападната во заседа кај Карпалак. Во нападот беа убиени десет припадници на резервниот состав:
Сашо Китаноски (39), Марко Деспотоски (27), Нане Наумоски (48), Љубе Грујоски (31), Бранко Секулоски (42), Дарко Вељански (27), Горан Миноски (29), Пеце Секулоски (29), Веби Рушидоски (26) и Ердован Шабаноски (20).
Денес, 25 години подоцна, се потсетуваме на трагичниот настан и на сведоштвата за околностите во кои се случи заседата кај Карпалак.
Вечна им слава на загинатите бранители.
25 години од масакрот кај Карпалак: Се одбележува споменот на 10-те прилепски бранители
Денеска се одбележуваат 25 години од загинувањето на десетте резервисти од Прилеп кај месноста Карпалак.Делегации на Министерството за одбрана и Генералштабот на Армијата ќе положат цвеќе на спомен-плочата на бранителите на местото на кое загинаа.Цвеќе ќе биде положено и пред спомен-обележјето на македонските херои во центарот на Прилеп.Масакрот кај Карпалак е најмногуброен масакр врз војници во воениот конфликт во 2001 година. На 8 август 2001 година 10 резервисти беа убиени, а тројца ранети ко
Македонија | пред 3 седмици
