По повод 25-годишнината од масакрот кај Карпалак, членови на навивачката група „Комити Скопје“ со емотивна порака се потсети на десеттемина бранители кои ги загубија животите на 8 август 2001 година.
„Ти оставив златни дечиња, горди да бидат на Македонија.
Не простуваме.
Не забораваме.
08.08.2001 – Карпалак“, стои во објавата на „Комити Скопје“.
Тие објавија фотографија на која членовите на групата стојат со транспарент „Не простуваме. Не забораваме“.
На 8 август 2001 година, кај месноста Карпалак, во заседа беше нападната колона на македонските безбедносни сили. Во нападот животите ги загубија десет припадници на резервниот состав.
Два и пол децении подоцна, споменот за загинатите бранители и понатаму останува присутен во јавноста, а 8 август се одбележува како ден на сеќавање на трагичниот настан.
