КОМИТИ

Вардар шампион по шест години: „Црвено-црните“ ја освоија 12. титула

ФК Вардар е нов шампион на Македонија. „Црвено-црните“ ја освоија шампионската титула по пауза од шест години, крунисувајќи ја сезоната со 12. титула во клупската историја.Трката за трофејот траеше до последното коло, а вардарци успеаја да ја задржат предноста и повторно да се искачат на врвот на македонскиот фудбал.Скопје деновиве беше обоено во црвено и црно. Илјадници навивачи ја прославија титулата низ улиците на главниот град, додека Комитите со бакљи, песни и колони возила приредија голема шампионска атмосфера пред последниот натпревар.За Вардар ова е враќање на местото кое клубот со децении го има во македонскиот фудбал – симбол на традиција, трофеи и најголема навивачка поддршка.Титулата доаѓа по турбулентен период за клубот, кој во изминатите години се соочи со финансиски и организациски проблеми, но успеа повторно да се врати на врвот.

Свет | пред 1 седмица

(Видео) Комитите го „запалија“ Скопје пред шампионската прослава на Вардар

Во пресрет на денешното дерби против Шкендија и официјалната прослава на шампионската титула, навивачите на Вардар приредија вистинска еуфорија низ скопските улици.Главниот град беше обоен во црвено и црно.Со пиротехника, транспаренти и гласно навивање, фановите на новиот шампион создадоа атмосфера каква што ретко се гледа низ скопските улици.Дербито од последното коло во домашното првенство се игра денес со почеток од 18 часот на Арената „Тодор Проески“ во Скопје, по што ќе следува крунисувањето на новиот шампион на Македонија.

Спорт | пред 1 седмица

Жал во навивачките редови: „Комити“ го загубија Дени Маневски

Навивачката група „Комити Скопје“ соопшти дека починал нивниот член Дени Маневски, испраќајќи емотивна порака до јавноста и до своето членство, во која нагласуваат дека загубата ја става во втор план секоја спортска тема.Од групата велат дека за нив другарството на трибината е над сè, потенцирајќи дека со смртта на Маневски заминува уште еден од оние кои, како што наведуваат, младоста ја оставиле на трибината.„Денес победата и изданието паѓаат во втор план, затоа што другарството на трибината за нас е секогаш над сè! Го известуваме членството дека денес не напушти Дени Маневски, уште еден брат од трибината, уште еден од оние кои младоста ја оставиле на трибина“, соопштија од „Комити Скопје“.„Упатуваме сочувство до семејството и до сите пријатели на нашиот прерано починат брат. Засекогаш дел од нас!“, додаваат тие.

Македонија | пред 1 месец

Навивачката сцена во црно: Комити-Скопје ја загубија својата легенда Чичо Коле

Навивачката група Комити-Скопје со длабока тага ја извести јавноста дека починал нивниот член Никола Јорданоски, познат меѓу навивачите како Чичо Коле.Од групата истакнуваат дека загубата е тешка и дека нема зборови што можат да ја ублажат болката која ја чувствуваат во овие моменти. Чичо Коле, како што наведуваат, ќе остане запаметен по неговата искрена и безрезервна љубов кон фудбалскиот клуб Вардар, по неговото постојано присуство на западната трибина, но и по бројните заеднички спомени и приказни што ги делел со навивачите низ годините.Посебно се истакнува и неговата улога како еден од иницијаторите за воспоставување на братските односи со навивачката група „Војводи“, што, според Комити-Скопје, претставува траен белег во историјата на навивачкото движење.Навивачката група упати искрено сочувство до семејството, роднините и најблиските на Никола Јорданоски.„Никола Јорданоски – Чичо Коле, засекогаш дел од нас“, порачуваат од Комити-Скопје.

Скопје | пред 4 месеци

(Видео) Емоции и почит: „Комитите“ со транспарент за Карпалак

На вечерашниот натпревар меѓу Вардар и Пелистер, „Комитите“ ја искористија приликата да испратат силна и емотивна порака. На трибината, навивачката група развеа голем транспарент со натпис:„Прости ми моја најмила, сега јас сум ѕвезда деница. Карпалак, 08.08.2021“Со овој гест, навивачите на Вардар оддадоа почит на загинатите македонски бранители кај Карпалак, потсетувајќи дека спортот е и место за сеќавање и благодарност.Трибината, во комбинација со црвено-црните знамиња, создаде моќна слика што ги надмина рамките на фудбалот и се претвори во момент на национално сеќавање.

Спорт | пред 9 месеци

Комити реагираат: Сејдини сака да ја намали нашата поддршка, па токму затоа собирот ќе биде пред ФФМ

Навивачката група на Вардар, „Комити“ се револтирани од одлуката на ФФМ да ја огрнаичи продажбата на билети за претстојниот бараж натпревар, меѓу најтрофејниот македонски клуб и Детонит од Радовиш.Дуелот е закажан за недела (26 мај) во Струмица, а „Комити“ се незадоволни од тоа што билетите можат да се купат само со физички присуство.Ја информираме јавноста дека иако извесен период апелиравме до ФФМ и повикувавме на состанок, а во врска со продажбата на билетите, истиот не се случи. На само три дена до одигрувањето на натпреварот, бевме известени дека продажбата на билетите ќе започне денес(четврток, 23 мај) од 14:00ч на сите продажни места на МК Тикетс. Покрај тоа, билетите исто така нема да можат да се купат онлајн, туку единствено со физичко присуство.Ваквата срамна постапка, со која огромната армија на наши навивачи, целосно неоправдано е ставена во неизвесност, покрај тоа што го отсликува аматеризмот во ФФМ, отвора и сомнеж дека зад сите овие ,,грешки” стои намерата, во Струмица да има што е можно помал број на навивачи на Вардар.Но, и покрај се, веруваме дека ова не само што нема да ги одвлече нашите навивачи, туку и дополнително ќе влијае на што е можно поголемо присуство на историскиот натпревар. Нас ништо нема да не поколеба!ВАЖНО: Во продажба ќе биде пуштена единствено северната трибина на стадионот, која е предвидена за навивачите на Вардар.Цената на билетите изнесува 150 ден“, стои во соопштението на „Комити“.

Македонија | пред 2 години

„Живо ви е кралството, колку и другарството“ - Комитите возвратија на провокацијата од Гробарите

На денешниот ракометен натпревар меѓу Партизан и Вардар во Белград навивачката група на Партизан, Гробари упати тешки националистички навреди кон македонскиот народ. На почетокот на средбата, Гробари извадија грчко знаме, за потоа преку транспарент да порачаат дека Македонците имале криза на идентитетот.„Група со српско име, бугарски војник слави, мора да е тешко со таа криза на идентитет во главата“, стоеше на транспарентот на Гробари.Во еден момент се скандираше и „Стара Србија, никогаш Македонија“.Медиуми јавуваат и дека Комити на мечот во салата „Бањица“ влегле дури во 55 минута, а успеале да возвратат и на навредите од Гробари.Повеќе од три часа вардаровите навивачи не биле пуштани да влезат во Србија на граничниот премин „Табановце“ и тоа од српската полиција, без никакво образложение.Откако им бил дозволен влез, со полициска придружба се упатиле накај Белград, но тоа одело толку бавно што веќе на сите им станало јасно дека нема да стигнат на почетокот на средбата. Но, се случи најлошо сценарио за нив – им беше дозволен влез на пет минути пред крајот, кога веќе прашањето на победникот беше решено. Кога се појавија во салата, настана толкава еуфорија, што на преносот се забележа како сите домашни фанови скандираат „Стара Србија, никогаш Македонија“, а се пееше и грчка навивачка песна, пишува Радио Лидер.Комити на сите провокации возвратија со „Живо ви е кралството – колку и другарството“.

Македонија | пред 3 години

(ВИДЕО) Комити со голем спектакл за роденденот, „гореше“ кејот на Вардар

Навивачите на Вардар, популарните „Комити” вчера приредија незаборавен спектакл во Скопје по повод нивниот 35-ти роденден.„Комитите” буквално го живнаа кејот на реката Вардар, каде запалија повеќе од 700 факели. Забавата продолжува, овој пат пред СЦ ,,Јане Сандански”, велат од навивачката група.

Скопје | пред 4 години

(ВИДЕО) Комитите пред гробот на великанот: Со такво наследство не треба никогаш да постои дилема, чиј син е Гоце Делчев!

Навивачката група „Комити“ се поклонија на гробот на великанот Гоце Делчев. Тие напишаа: „Со такво наследство не треба никогаш да постои дилема, чиј син е Гоце Делчев, најголемиот син на Македонската Револуционерна Борба“.Нивната објава во целост:„Негова желба беше моштите да почиваат во главниот град на идната Независна Македонија. Па затоа на 7, 8 и 9 Октомври пешки неговите Македонски следбеници од Софија до Скопје го носат пеш, за на 10-ти Октомври, 1946-та го положат неговото тело во саркофагот во црквата Свети Спас во Скопје, каде што почиваат сега.По пат на улиците излезени луѓе, Македонци, натажени, во цела Пиринска Македонија, во сите места каде живеат Македонци.Со такво наследство не треба никогаш да постои дилема, чиј син е Гоце Делчев, најголемиот син на Македонската Револуционерна Борба.Наша должност, право и чест е да ги браниме неговите дела, неговите идеали, и борба за Слободна, Суверена и Независна Македонија, за кои го положи својот живот пред точно 119 години, во Баница наша страдна.Ние можеме да бидеме пријатели, па дури и браќа со сите наши соседи, но ние сме Македонци, по род, по коски, по крв, по убедување. Па затоа заедно да ја продолжиме сплотени нашата заедничка борба, која Великанот ни ја остави во аманет. И да не заборавиме дека оние кои се борат за интересите на Бугарија, Србија, Грција, може да бидат големи Бугари, Срби и Грци но никогаш големи Македонци ! Слобода или Смрт за Македонија !“, напишаа Комити-Скопје.

Скопје | пред 4 години