Драматични сцени се случија во Истанбул откако силен судир меѓу два автомобила предизвика експлозија и пожар, при што едно од возилата за неколку секунди се претвори во огнена топка.
Несреќата се случила околу 02:00 часот по полноќ на булеварот „Тургут Озал“ во населбата Јали Махалеси во Малтепе, кога автомобилите управувани од Е. Е. и Е. Ј. се судриле на раскрсница.
Од силината на ударот, едното возило излетало од патот, по што избувнал пожар проследен со експлозија. На местото веднаш биле испратени екипи на Итната медицинска помош, пожарникари и полиција.
Пожарникарите успеале да го локализираат и изгаснат огнот, додека медицинските тимови им укажале помош на повредените. Во несреќата биле повредени двајцата возачи и сопатникот Ф. Ш., додека Б. Џ. А. бил пренесен во болница од претпазливост.
Сите лица биле хоспитализирани за понатамошно лекување по првичниот медицински третман на местото на несреќата.
Драматичниот момент на судирот и експлозијата бил снимен со камера поставена на кацигата на мотоциклист кој чекал на црвено светло во непосредна близина. Снимката, која ги забележала ударот и пламенот што веднаш го зафатил едното возило, би можела да биде клучен доказ во истрагата.
Полицијата започна истрага за утврдување на точните околности и причините што довеле до оваа тешка сообраќајна несреќа.
