(Видео) Тензии во Белград: Се сретнаа приврзаници на СНС и студентите, летале шишиња

Тензична атмосфера вечерва владее во Нов Белград, каде што се сретнале приврзаници на владејачката Српска напредна партија (СНС) и поддржувачи на Студентската листа, кои се враќале од завршниот предизборен митинг во српската престолнина.

View this post on Instagram

— реклама —

Според информациите што ги објави српскиот портал „Машина“, во неколку наврати биле фрлани шишиња, но засега нема информации за поголеми инциденти или повредени лица.

Тензиите се случуваат во пресрет на изборите во Србија, непосредно пред почетокот на изборниот молк.

— реклама —

Приврзаниците на СНС претходно присуствувале на партиски собир во спортската сала „Ранко Жеравица“, по што останале во Нов Белград и се движеле низ улиците на оваа белградска општина.

View this post on Instagram

На снимките што се појавиле се гледаат групи луѓе со запалени факели и партиски знамиња со натпис „Србија победува“.

— реклама —

Според објавените информации, приврзаниците на СНС се движеле низ Нов Белград, но не го преминале мостот кон централниот дел на градот.

Во исто време, низ овој дел од Белград поминувале поддржувачи на Студентската листа, кои се враќале од завршниот предизборен собир на плоштадот Славија.

Засега нема потврдени информации за поголеми судири меѓу двете групи, ниту за евентуална полициска интервенција.

Настаните се случуваат во чувствителен политички момент, непосредно пред гласањето закажано за недела, 25 октомври.