Единаесет лица загинаа при пад на авион што денеска се урна во предградие на францускиот град Нанси, потврдија локалните власти.
Несреќата се случила околу 11 часот, кога леталото се срушило на тревната површина покрај улица, во непосредна близина на станбени куќи. На местото веднаш биле испратени бројни противпожарни и спасувачки екипи.
Според францускиот портал L’Est Républicain, во авионот се наоѓала група медицински сестри кои требало да учествуваат во организирани падобрански скокови во рамки на една манифестација.
Станува збор за авион од типот „Пилатус“, регистриран во Германија, кој се користи за изведување падобрански скокови.
Надлежните служби спроведуваат истрага за причините за несреќата.
