(Видео) Три загинати и тројца тешко повредени откако теренско возило удри во група пешаци во Лос Анџелес

Три лица загинаа, а уште тројца се тешко повредени откако теренско возило удрило во група пешаци во населбата Норт Холивуд во Лос Анџелес, САД.

Несреќата се случила вчера, нешто пред 18 часот по локално време. Според полицијата и противпожарната служба, три лица починале на местото на настанот, додека двајца пешаци и возачот на теренецот биле пренесени во болница.

— реклама —

Градоначалничката на Лос Анџелес, Карен Бас, соопшти дека возилото излетало на тротоарот и удрило во група улични продавачи и минувачи. Според телевизијата КЦАЛ-ТВ, теренецот удрил во штанд за храна во близина на автобуска постојка, на една од главните сообраќајници во населбата.

— реклама —

Полицијата сè уште ги утврдува околностите на несреќата и проверува дали станува збор за несреќен случај или возачот намерно удрил во пешаците.

— реклама —

„Мораме да утврдиме што точно се случило и што довело до оваа трагедија“, изјави Кетрин Баргер, членка на Надзорниот одбор на округот Лос Анџелес, најавувајќи дека ќе ја следи истрагата.

— реклама —

Градоначалничката Бас изрази сочувство на семејствата на загинатите и повредените и најави дека нејзиниот кабинет ќе соработува со надлежните служби.