(Видео) Ураган од четврта категорија се движи кон Мексико, ветрови до 225 км/ч

Тропската бура „Сајмон“ се засили во силен ураган од четврта категорија и се движи кон брегот на Мексико, соопшти Националниот центар за урагани во Мајами.

Максималната брзина на постојаните ветрови достигнала 225 километри на час, пренесува Ројтерс.

— реклама —

Се очекува „Сајмон“ да донесе меѓу 25 и 50 сантиметри дожд во делови од југозападно Мексико, а во одредени области можно е да наврнат и поголеми количества врнежи. Националниот центар за урагани ги повика жителите итно да преземат соодветни мерки за заштита.

— реклама —

Обилните врнежи се очекува да ги зафатат деловите од југозападниот регион на земјата, особено крајбрежјето на сојузната држава Халиско, како и делови од Мичоакан, Колима и Најарит.

— реклама —

Метеоролозите во петокот предупредија на опасност од поплави и свлечишта. Во Халиско, наставата беше прекината во 22 крајбрежни општини, а започна и евакуација на десетици луѓе од ризичните подрачја.

На туристичкиот сектор во Пуерто Ваљарта му било наложено да обезбеди работниците и посетителите да бидат сместени во засолништа или безбедни зони до петок попладне.