Вработените во Јавната установа Национален парк Пелистер, Зоран Пројчевски, раководител на Помошно-техничкото одделение, и ренџерот Неџип Сефедини, успешно спасија мала срна која била нападната од куче скитник.
Благодарение на нивната брза и навремена реакција, малото животно било спасено, а подоцна, со примена на специјална метода со емитување звуци, успеале повторно да го соединат со неговата мајка.
Од Националниот парк Пелистер посочуваат дека ваквите интервенции се дел од секојдневните активности за заштита и зачувување на дивиот свет во паркот.
