(Видео) Вучиќ разговараше со Путин: „Ќе обезбедиме стабилно снабдување со гас“

Претседателот на Србија, Александар Вучиќ, телефонски разговарал со рускиот претседател Владимир Путин, при што во едночасовниот разговор биле опфатени билатералните односи, состојбата во регионот, војната во Украина и енергетската соработка.

Како што објави Вучиќ, посебно внимание било посветено на договорот за снабдување со гас, кој истекува на 30 септември. Тој изразил уверување дека договорот ќе биде продолжен и дека Србија ќе има стабилно снабдување.

— реклама —

Вучиќ навел дека граѓаните и понатаму би требало да имаат цена од 318 евра за 1.000 кубни метри, наместо пазарната цена која, според него, во моментов изнесува 868 евра.

— реклама —

На разговорот било отворено и прашањето за Нафтената индустрија на Србија, при што Вучиќ изразил надеж дека ќе биде најдено решение прифатливо за двете страни.

Српскиот претседател му се заблагодарил на Путин и за помошта испратена за гаснење на пожарите во Србија, оценувајќи дека со тоа било спречено создавање поголема штета.

— реклама —

Вучиќ соопштил и дека го информирал Путин оти следниот ден ќе поднесе оставка, а му се заблагодарил за 14-годишната соработка.

По разговорот, Вучиќ повторно порача дека снабдувањето со гас во Србија ќе биде стабилно.

View this post on Instagram