(Видео) Вучиќ сам отиде на автоперална, но миењето автомобил не помина според планот: „Се расправав со цревото и жетоните“

Претседателот на Србија, Александар Вучиќ, објави видео од посета на самопослужна автоперална, каде што самиот се обиде да го измие автомобилот. Сепак, наместо едноставно миење, наиде на проблеми со жетоните и цревото.

Вучиќ дел од видеото го снимал додека возел, при што нагласил дека телефонот претходно го наместил така што не мора да го држи ниту да гледа во него додека управува со возилото.

— реклама —

За време на возењето зборувал и за инфраструктурните проекти во Србија, посочувајќи дека има уште многу работа, особено во изградбата на патишта и подобрувањето на условите за жителите кои не живеат во градските центри.

— реклама —

Посетата на автопералната ја поврза и со подготовките за претстојната предизборна кампања. Вучиќ во последните недели најавува дека во кампањата ќе стави поголем акцент на директниот контакт со граѓаните.

Во автопералната, сепак, не му одеше сè според планот.

— реклама —

„Се обидов да го измијам автомобилот. Се расправав со цревото и жетоните, а на теписите заборавив, но на крајот операцијата беше делумно успешна. Подготовките за кампањата се при крај“, напиша Вучиќ покрај објавената снимка.

— реклама —

Неговата објава доаѓа во период кога тој веќе најавува различни фази од предизборната кампања и повикува политичарите и активистите да посветат поголемо внимание на директната комуникација со граѓаните.