(Видео) „Вучиќ заминува!“ – еуфорија во студентскиот штаб по признавањето на изборниот пораз

Со скандирања „Победа, победа“, „Пумпај, пумпај“ и „Вучиќ заминува“, претставниците и поддржувачите на студентската изборна листа вечерва го прославуваат изборниот резултат во Србија.

— реклама —

Во централниот изборен штаб на студентите, во присуство на новинарските екипи, владее славеничка атмосфера. Присутните скандираат и пеат, додека во позадина се слуша песната „Ајде, граде, сви уз наше младе“.

View this post on Instagram

— реклама —

Прославата започна откако Александар Вучиќ јавно го призна изборниот пораз, соопштувајќи дека студентската листа освоила меѓу 135 и 140 пратенички мандати, додека неговата листа ќе има околу 105.

— реклама —

„Победи студентската листа. Изгубивме“, изјави Вучиќ, најавувајќи дека неговата политичка опција ќе продолжи да дејствува како опозиција.

Според бројките што ги изнесе, студентската листа освоила околу 2,2 милиони гласови, наспроти приближно 1,72 милиони за неговата листа.

— реклама —

Иако во студентскиот штаб веќе се слави победа, конечните резултати и распределбата на пратеничките мандати треба да бидат потврдени од Републичката изборна комисија.