(Видео) Вучиќ покажа како не му чинел креветот и како се бричи: српскиот претседател во нова ПР акција

Претседателот на Србија, Александар Вучиќ, објави ново видео на социјалните мрежи во кое на своите следбеници им ја покажа утринската рутина за време на престојот во населбата Кална, на падините на Стара Планина.

Во видеото, снимено во 6:45 часот, Вучиќ откри дека легнал само половина час по полноќ, а потоа го покажа местото каде што преноќил.

— реклама —

Со насмевка рече дека креветот бил прекраток, па спиел на два споени кревети.

„Феноменално е сè направено“, рече Вучиќ додека го местеше креветот.

— реклама —

Тој додаде и дека поради тоа што немало кабловска телевизија бил „принуден“ да ја гледа Радио-телевизија Србија (РТС).

Потоа ги покажа утринските подготовки, вклучувајќи го бричењето и читањето на материјалите за дневните активности.

— реклама —

„Ги завршив сите утрински обврски, од досадното бричење до читањето на последните подготовки за денешните настани. Ги проверив и аптеките во Белград дали отвориле, иако оние што ги барав сè уште не беа станати“, изјави Вучиќ.

Видеото го заврши со пораката:

— реклама —

„Нема одмор додека трае обнова! Одиме во акција!“, најавувајќи нов работен ден исполнет со теренски активности.

View this post on Instagram