Драматичен момент од силното невреме е снимен во населбата Аеродром, каде огромно зимзелено дрво се откорна од корен и падна на улицата „Коста Новаковиќ“.
На видеоснимката се гледа како силниот ветер го урива дрвото, кое за неколку секунди паѓа преку коловозот. Во истиот момент низ улицата поминува автомобил, чиј возач за „влакно” избегна да биде поклопен.
За среќа, според првичните информации, во инцидентот нема повредени лица, но паднатото дрво целосно го блокираше сообраќајот на улицата.
