Вистинска драма се случила во Шведска откако возач на автобус со околу 50 патници ненадејно изгубил свест додека возел по патот.
Во критичниот момент, една од патничките, Марија Хјелте, веднаш реагирала и се фатила за воланот, спречувајќи автобусот да излета од патот и да заврши во каналот покрај коловозот.
Нејзината брза реакција овозможила да се избегне потенцијално трагичен исход. Потоа, со помош на уште еден патник, Ниранџан Нитијанандам, автобусот успеале безбедно да го запрат.
За среќа, никој од околу 50-те патници не бил повреден.
Ниранџан раскажал дека ситуацијата можела да заврши со трагедија доколку Марија не реагирала веднаш и не го презела управувањето со возилото.
