„Владата веднаш да ги објави анализите - врз кои параметри е одобрена употреба на техничка вода во Гостивар?“, вели СДСМ

СДСМ преку соопштение побара Владата јавно да ги објави анализите врз основа на кои е донесена одлуката водата во Гостивар да може да се користи за технички потреби.

— реклама —

Од партијата реагираат дека одлуката ја соопштил министерот за внатрешни работи Панче Тошковски, а не надлежните здравствени институции, оценувајќи дека јавноста сè уште нема увид во резултатите од испитувањата на водата.

— реклама —

Според СДСМ, неопходно е да се објави врз основа на кои микробиолошки и здравствени параметри е утврдено дека водата може да се користи за техничка употреба, како и дали е безбедна за лична хигиена, особено за деца, повозрасни лица и други ранливи категории.

— реклама —

Партијата смета дека одговорите треба да ги дадат Институтот за јавно здравје и другите надлежни здравствени институции, а не Министерството за внатрешни работи.

— реклама —

Од СДСМ бараат Владата да го објави официјалниот документ со анализите на водата, да соопшти кој институт ги изработил, кој ја потпишал одлуката и врз основа на кои наоди е дозволена техничката употреба на водата во Гостивар.