Владата закажа нова седница, меѓудругото, ќе се разговара и за Законот за градење

Владата на Република Северна Македонија денеска 30.8.2022 година (вторник) ќе ја одржи редовната 75-та седница, на која согласно своите надлежности ќе разгледува повеќе точки од својата програма за работа и од интерес на граѓаните.

— реклама —

Според предложениот дневен ред, на седницата ќе се разгледува Предлог-законот за изменување и дополнување на Законот за градење.

— реклама —

Целта на предложените измени е, предвидување посебна постапка за поставување на фотонапонски електроцентрали на објекти од страна на потрошувачи-производители како и на категоризација на градбите за производство на електрична енергија од обновливи извори.

— реклама —

На седницата, меѓу другото, пред членовите на Владата ќе се најде и Извештајот за завршени преговори за склучување на Договор за соработка во областа на механизмите за обезбеденост со храна во Западен Балкан.

— реклама —

За заклучоците и одлуките од денешната владина седница, која ќе започне во 12:00 часот, јавноста ќе биде информирана со соопштение.