ВМРО-ДПМНЕ: Филипче е кукла на конци, а додека конците се во раце на Заев СДС нема да застане на свои нозе, наместо катарза и реформи Филипче работи за туѓи агенди

ВМРО-ДПМНЕ во своето соопштение обвини дека СДСМ не е раководена од актуелниот претседател Венко Филипче, туку дека клучно влијание во партијата сè уште има поранешниот лидер Зоран Заев.

— реклама —

Од партијата во соопштението наведуваат дека појавувањето на Заев на роденденот на СДСМ е доказ дека тој и понатаму има централна улога во партиските одлуки, додека Филипче, како што тврдат, останува само формален претседател.

— реклама —

„СДС не ја води Филипче, туку сенката на минатото – Зоран Заев, кој ја контролира партијата“, стои во соопштението, при што од ВМРО-ДПМНЕ додаваат дека ова, според нив, ја потврдува неговата влијателна позиција во внатрепартиските процеси.

Во соопштението се оценува и дека СДСМ функционира без јасна насока и вистинско лидерство, потпирајќи се на стари структури и влијанија од минатото.

— реклама —

„Додека граѓаните очекуваат реформи и нов почеток, СДС продолжува со истите лица и политики“, стои во соопштението.

— реклама —

Во соопштението од ВМРО-ДПМНЕ порачуваат дека без јасно дистанцирање од, како што велат, влијанието на Заев, СДСМ нема да може да направи суштински промени.