ВМРО-ДПМНЕ: Филипче од јахтата на Заев од Егејот дава инструкции за ширење паника, СДС од политичка немоќ креира хаос и шири дезинформации

ВМРО-ДПМНЕ преку соопштение обвинува дека СДСМ и неговото раководство, во недостиг на политички идеи и конкретни решенија, повторно се обидуваат да предизвикаат вознемиреност кај граѓаните преку, како што велат, ширење лажни вести и дезинформации.

Од партијата тврдат дека претседателот на СДСМ, Венко Филипче, додека е на одмор на Егејот, преку партиските структури давал инструкции за ширење паника на социјалните мрежи во врска со квалитетот на водата во Скопје.

— реклама —

„Додека Венко Филипче и Зоран Заев се на одмор на Егејот, решиле да водат политика преку ширење дезинформации и создавање страв кај граѓаните“, наведуваат од ВМРО-ДПМНЕ.

— реклама —

Од партијата оценуваат дека ширењето информации за наводна неисправност на водата во Скопје е неодговорно и додаваат дека надлежните институции реагирале и ги демантирале тврдењата со официјални податоци.

ВМРО-ДПМНЕ посочува и дека Министерството за внатрешни работи презело активности за утврдување на потеклото на информацијата и одговорноста за нејзиното ширење.

— реклама —

„Филипче и СДСМ не треба да си играат ниту со довербата на јавноста, ниту со чувството на сигурност на граѓаните, а најмалку со прашања поврзани со нивното здравје“, се наведува во партиското соопштение.

— реклама —

Од ВМРО-ДПМНЕ додаваат дека политичката борба, според нив, има граници и го повикуваат СДСМ наместо, како што велат, „лаги и страв“, да понуди визија, решенија и одговорност.

Партијата воедно наведува дека Владата предводена од ВМРО-ДПМНЕ се фокусира на економијата, инвестициите, платите, инфраструктурата и подобрувањето на животниот стандард, додека СДСМ го обвинуваат за враќање кон „старото сценарио на дезинформации и создавање хаос“.