ВМРО-ДПМНЕ: Лагите на СДС и Филипче пукнаа како меур од сапуница, јавно потврден напредокот на Македонија и ИПАРД ставен на располагање на земјоделците

ВМРО-ДПМНЕ во своето соопштение обвини дека СДСМ и Венко Филипче изнесувале неточни информации во врска со напредокот на државата и состојбата со ИПАРД програмата, тврдејќи дека нивните наводи биле демантирани од европски институции.

— реклама —

Од партијата во соопштението посочуваат дека од Брисел е потврдено оти средствата од ИПАРД повторно се достапни за македонските земјоделци, додека европратеникот Томас Вајц навел дека има напредок во спроведувањето на реформите.

— реклама —

Според ВМРО-ДПМНЕ, изјавите што ги користела опозицијата биле застарени и не ја одразувале актуелната состојба. Воедно, тврдат дека претходно се ширела паника дека средствата се блокирани и недостапни.

— реклама —

Од партијата во соопштението наведуваат дека Владата презела мерки по состојбите во платежната агенција, вклучително и контрола и комуникација со европските институции, по што, како што велат, било утврдено дека нема злоупотреби и дека процедурите се спроведени согласно закон.

— реклама —

Во соопштението се додава дека Владата ќе продолжи со активности насочени кон реформите и евроинтегративниот процес, додека за опозицијата се оценува дека со своите настапи ја доведува во прашање сопствената кредибилност.