ВМРО-ДПМНЕ му возврати на Филипче: Совети од човек кој сакаше да заработи на вакцини не ни требаат

ВМРО-ДПМНЕ остро реагираше на предлозите на претседателот на СДСМ, Венко Филипче, за економски мерки поради растот на цените на горивата, оценувајќи дека тој нема кредибилитет да дава совети за управување со кризи.

— реклама —

Од партијата велат дека Филипче, како поранешен министер за здравство во време на ковид-кризата, наместо да се фокусира на набавка на заштитна опрема, договарал провизии за вакцини.

„Експертот за кризи, хирургот на Заев, Филипче, човекот кој во време на ковид кризата, наместо набавка на ракавици, каљачи, маски и така натаму, договараше провизии за вакцини, нема кредибилитет да дели совети како треба да се постапи“, се наведува во реакцијата на ВМРО-ДПМНЕ.

— реклама —

Од владејачката партија додаваат дека Владата работи на справување со последиците од кризата, без тоа, како што велат, да се најавува помпезно во јавноста.

— реклама —

„Изгледа Венко живее во некој свој свет, во којшто е само тој со Заев, Башановиќ и уште двајца-тројца, па нема кој да му каже дека Владата си ја врши својата работа без тоа да биде помпезно најавувано во јавноста, како во нивно време“, стои во реакцијата.

Од ВМРО-ДПМНЕ посочуваат дека дел од мерките кои Филипче ги предлага веќе биле разгледувани како можни чекори за ублажување на ефектите од евентуалната економска криза.

— реклама —

„Филипче и СДС нека не се грижат, не одиме по нивните стапки. Совети од експерт за крадење во време на кризи, не бараме“, додаваат од партијата.